مقدمة لتفهم الفناة

ببساطة شديدة لا تحاول فهم المرأة...كل امرأة هي مخلوق متفرد بذاته بس الستات بشكل عام بيتفقوا في حاجات كتيرة اكتر ما بيختلفوا عشان كدة حنركز علي الحاجات الي بيتفقوا فيها.بالنسبة لمعظم الرجالة المرأة مخلوق صعب فهمه ...انا عن نفسي بشبهها باللغة الفارسية .مكتوبة بحروف عربي بس برضو مش عارفين نقرأها.عمرك ما مرة فكرت ليه الستات غاوية مجلات علي غرار اخبار النجوم و الكواكب و مسلسلات عربية و حتي روايات عبير في الوقت الي الرجالة غاوية ماتشات كورة و قراية جرايد... بقول كدة عشان نفهم كيف تفكر المرأة.......في عالم النساء اياك تفكر لحظة في الي انت عاوزه...فكر احسن لك في الي هم عاوزينه...زي ما جه في كتاب كارنيجي الشهير...لما تعوز تصطاد سمكة متحطلهاش ثمرة مانجو لمجرد انك بتحب المانجو...السمك بيحب الدود.لو حطيط في سنارتك الطعم الصحيح مش حتلاحق علي السمك....اعرف ان كل بنت بيتقرب لها يوميا رجالة اشكال و الوان و دا طبيعي جدا و عشان كدة البنت غالبا هي الي في ايدها الاختيار لان قوانين العرض و الطلب في صالحها و انا هنا باتكلم مخصوص عن البنت المميزة الي انت تتمني تصاحبها او ترتبط بيها و تستغل جيناتها المميزة عشان تنقلها لولادك بعد كدة...طالما عاوزها تختارك لازم تكون انت كمان مختلف و مميز.عشان الناس تحبك لازم تحب نفسك الأول...بكل أسف باعرف ناس كتير مش بيحبوا نفسهم و يعدوا يشكوا انه لا الولاد و لا البنات بيحبوهم و انهم مش اجتماعيين...يبقي الخطوة الاولي حبوا نفسكم عشان الناس تحبكم.في اختبار بسيط اوي... ببساطة شديدة يلا نغمض عينينا سوا و نتخيل الصورة المثالية الي عاوزين الناس تشوفنا فيها و قبل اي شئ نكون احنا نفسنا راضيين عنها... اتخيل نفسك.لبسك.تسريحة شعرك..ابتسامتك.كل حاجة حلوة تتمني الناس تشوفها فيك...و صغرها خليها تصغرو تصغر لحد ما تبقي نقطة واحدة...خد نفس عميق و خرجه و فجر النقطة و طلع منها الاف النقط و خليها تنزل حواليك و كبرها و هي بتنزل و شوف الاف النسخ من نفسك في اجمل شكل و صورة...جرب الاختبار دا لو معاك ناس كتيرة و حاسس بالارتباك في وسطهم و خايف تتكلم و تغلط...صدقني النتائج حتبقي مدهشة و طالما انت راضي عن نفسك و شايفها حلوة صدقني الناس حتشوفك حلو و لو ماشافوكش تبقي دي مشكلتهم مش مشكلتك انت!كلامك لنفسك مهم (self talk)...يعني ببساطة شديدة الي بيقول لنفسه انا حافشل طبعا لازم يفشل لانه برمج نفسه علي كدة و ادي لنفسه الاوامر انه يفشل...انما لو قولت لنفسك انك تستحق تنجح في شغلك او تصاحب واحدة شبه مارلين مونرو و ان نفسك الي انت بتحبها تستحق دا...طبعا حتقدر تكون كدا...و حاثبتلكم انه دا مش كلام نظري! بس قبل ما نروح بعيد في اختبار عبيط اوي ...يا ريت تغمض عينيك و تقول عشر مرات انا بحب نفسي...عبيط اوي صح؟؟؟بس يفرق و لو حبيت نفسك و الناس حست انك بتحب نفسك حيتشدولك بقوة.عشان خاطري لو انت غاوي تفكير سلبي و لغتك مع نفسك علي نظام...مش حقدر..مستحيل...انا مستهلهاش ...بطل الكلام دا...انت تستاهل احسن شغلانة و احسن انسانة...لانسان الي يعرف يلاقي انسانة مميزة و يحبها و تحبه لازم من غير اي شك هو كمان بيكون مميز و بينجح في العالم و يعيش في توافق نفسي رهيب و دا كلام دراسات كتيرة...ظبط نفسك الاول عشان العام حواليك يتظبط..مش صعب انك تلاقي انسانة مميزة تحبها و تحبك ...تابع معايا و افهم بنفسك